Германија ќе им исплати еднократна компензација на Евреите, кои како деца го преживеале Холокаустот, соопшти њујоршката организација која го води процесот за компензација.
Едно лице загина при уривање на покрив од фабрика во рускиот град Ѕержинск во Московска Област, соопштија локалните власти.
На Германија ѝ се потребни стручни кадри, пред сѐ, но не и исклучиво за нега во здравствениот сектор. Наједноставно решение е кадар да се побара во соседството.
Бразилската полиција во централната држава Гојас синоќа соопшти дека „исцелителот“ кој е обвинет за сексуално злоставување на повеќе од 300 жени, им се предал на властите.
Амбасадата на Република Турција во Приштина ја поддржа трансформацијата на Безбедносните сили (ФСК) во Војска на Косово, порачувајќи дека тоа претставува суверено право на косовската држава, јави дописникот на МИА од Приштина.
Саломе Зурабишвили (66) положи заклетва со што и официјално ја презеде функцијата претседател на Грузија.
Адвокатот на американскиот претседател Доналд Трамп, Руди Џулијани, изјави дека неговиот клиент нема да седне да разговара со специјалниот советник Роберт Малер за да одговори на дополнителни прашања во рамките на истрагата за наводното мешање на Русија во претседателските избори во 2016 година.
Јавното обвинителство на Париз синоќа соопшти дека починало уште едно лице повредено при нападот во Стразбур минатиот вторник, со што бројот на загинати се искачи на пет.
Помеѓу 200 и 300 мигранти, баратели на азил и внатрешно раселени лица, синоќа се обидоа да влезат во парискиот театар „Комеди-Франсез“ за да побараат од раководителот да им организира средба со министерот за внатрешни работи Кристоф Кастанер.
Францускиот премиер Едуар Филип во интервју за весникот „Лез Еко“ призна дека Владата направила грешки во кризата со протестите на „жолтите елеци“ и оти не ги слушала доволно Французите.
