Фундаменталните индикатори на пазарот со нафта „прифаќаат“ интервенции во производството согласно потребите за да се урамнотежи пазарот, изјави министерот за енергетика на Обединетите Арапски Емирати и претседавач на Организацијата на државите извознички на нафта (ОПЕК), Сухел ал-Мазруи.
Израелскиот премиер Бенјамин Нетанјаху изјави дека лидерите на исламистичкото движење Хамас молеле за прекин на огнот. Тоа е прва изјава на Нетанјаху откако Владата на Израел се согласила за прекин на огнот, што стапи во сила.
Европскиот парламент денеска усвои Резолуција со која се апелира до земјите членки на ЕУ за воведување на контрола за почитување на основните вредности на Унијата, како што се демократијата и владеењето на правото.
Нацрт договорот за излез од ЕУ нѐ доведува значително поблиску до она за што гласаа Британците кога одлучија да ја напуштат Унијата, изјави денеска британската премиерка Тереза Меј.
Лидерите на земјите од Југоисточна Азија, Кина и други соседни држави се сретнаа денеска во Сингапур и го истакнаа напредокот за заштита на мирот во спорното Јужно Кинеско Море како доказ дека регионот самостојно успева да се справи со овие прашања.
Портпаролот на палестинското движење Хамас, Сами Абу Зухри денеска изјави дека оставката на израелскиот министер за одбрана Авигдор Либерман по дводневните тешки борби е „политичка победа за Газа“.
Демократската партија освои уште едно место во Сенатот на САД по пребројување на гласовите во Аризона, кое траеше речиси седум дена. Новата сенаторка е Кристен Синема.
Романската Влада денеска го именува искусниот дипломат Џорџ Чамба за нов министер задолжен да ја подготви земјата да го преземе ротирачкото претседателство со Европската унија на 1 јануари.
Мислам дека од двете светски војни, но, исто така, од времето на Студената војна, научивме колку се важни трансатлантските односи и затоа мораме да се грижиме Европа и Северна Америка да се држат заедно, рече генералниот секретар на Aлијансата, Јенс Столтенберг.
Рускиот претседател Владимир Путин во разговор со косовскиот претседател Хашим Тачи ја потврдил подготвеноста на Москва да го поддржи договорот меѓу Белград и Приштина, во случај да биде постигнат, изјави портпаролот на Кремљ, Дмитриј Песков.
