Министерот за култура Роберт Алаѓозовски и скопскиот градоначалник Петре Шилегов денеска потпишаа писмо за намери преку кое се дефинираат активностите за унапредување на културата на подрачјето на Град Скопје преку заедничко финансирање на изградбата на Универзална сала.
Градот Скопје од денеска до среда ќе биде домаќин на Второто Генерално собрание на европскиот проект „РОК“ – Регенерација и оптимизација на културното наследство во креативните градови (РОЦК), на кое ќе присуствуваат сите учесници во овој меѓународен проект.
- Акцијата што започна на 2 април и требаше да трае до 15 мај за плаќање на заостанат долг на рати и без камати, поради голем интерес од страна на граѓаните се продолжува до 29 мај 2018 година, соопштуваат од ЈП „Водовод и канализација“.
Поставен е семафор на улицата „Борис Сарафов” кај Основното училиште „Мирче Ацев” кое важеше за критична точка во сообраќањето низ општина Ѓорче Петров.
Околу 8.000 деца во Македонија се на листа на чекање за упис во градинка, покажуваат податоците со кои располага Министерството за труд и социјална политика. Младите родители се соочуваат со проблем за упис во градинка и неретко за нивните деца да бидат згрижени чекаат и по една година.
Пријави се и биди дел од големиот спортски спектакл
Град Скопје денеска сооошти дека рокот за пријавување на јавниот оглас за обука на оџачари е продолжен до 25 мај 2018 година. На овој оглас досега се пријавени само шест кандидати, а предвидено е да се изврши обука за оџачари на 25 невработени работоспособни лица.
Под мотото „Во боите на виножитото” денеска и утре во Градски парк ќе се одржи 5. Скопски цветен фестивал.
Инспекторатот за животна средина попладнево соопшти дека е извршен вонреден инспекциски надзор во фабриката „Макстил“ каде што синоќа беше запалено отпадно железо.
Сообраќајната полиција за помалку од три часа синоќа при спроведување мерки и активности за спречување на организирање и учество на диви трки регистрирала 21 прекршок и издала 21 платен налог и налози на прекршителите.
