Принцот Чарлс и војвотка Камила прошетаа во центарот на Атина
По посетата на Грчката архиепископија, во познатата атинска населба Плака и средбатат со Јеронимос, принцот Чарлс и војвотката Камила пеш се упатија кон нивната следна закажана активност во центарот на Атина - посета на црквата Капникареа што се наоѓа на една од најпознатите туристички и трговски улици во строгиот центар на грчката престолнина.
Под силно полициско обезбедување, пропратено од голем број на акредитирани грчки и странски новинари меѓу кои и дописничката на МИА од Атина, принцот Чарлс и војвотката Камила прошетаа низ Атина. Ги пробаа грчките традиционални крофни - популарните лукумадес, посетија кафуле, цвеќарница, поразговараа со Грци и туристи.
Присуството на кралскиот брачен пар предизвика изненадување и воодушевување кај граѓаните и туристите кои случајно се најдоа на местата каде што помина и застана кралската делегација.
