Зголемено нивото на реките, езерата во рамки на просекот
Зголемено ниво на реките во однос на просекот за јули се бележи денеска на Вардар, кај Јегуновце, кај Зајчев рид во Скопје, кај Велес и кај Демир Капија, како и на Пчиња кај Катлановска Бања.
Податоците на Управата за хидрометеоролошки работи покажуваат дека намалени водостои има на Црни Дрим кај Ложани, на Треска кај Македонски Брод и на Крива Река кај Крива Паланка.
Водостоите на Охридското, Препанското и Дојранското Езеро, според денешните мерења, се во рамки на просекот.
