Во Велес отворена изложба на постери на Маријана Иванова

Во Ликовниот салон во Велес синоќа беше отворена изложба на постери „Им постер“ на уметница и графичка дизајнерка Маријана Иванова од Виница, која работи во Бугарија.На изложбата во Велес, таа се претстави со 35 постери, а ја отвори Елица Николова од ЛУ Народен музеј во чија соработка се реализира изложбата.

Изложбата е дел од проект кој авторката го реализирала во соработка со Министерството за култура, а со овие постери веќе се претставила во Мексико, САД, Уругвај, Русија и други земји.

Иванова досега имала седум самостојни изложби во Р.С. Македонија и Р. Бугарија. Таа учествувала на над 80 групни изложби во 23 земји во светот, од кои 40 се изложби од интернационални конкурси за плакат, селектирани од страна на врвни светски плакатисти и дизајнери.

Добитник е на шест награди.