Средба на министерот Исмаили со иранскиот амбасадор Карими

Министерот за култура Хусни Исмаили денеска во својот кабинет оствари средба со иранскиот амбасадор во земјава, Хусеин Карими, на која разговараа за досегашната и за идната соработка во областа на културата меѓу Северна Македонија и Иран.

Соработката се реализира врз основа на Спогодбата потпишана меѓу владите на двете земји, како и врз основа на потпишаната Програма за имплементација на културната и уметничката соработка меѓу министерствата на двете земји за периодот до 2021 година.

– Соговорниците се согласија дека двете земји имаат добра основа за конкретна соработка меѓу институциите од областа на културата, но и за размена на уметници кои би гостувале на значајни меѓународни фестивали во нашата земја и во Иран. Беше разгледана и можноста за реализација на покомплексно претставување на македонската култура во Иран, како Денови на македонскиот филм во Иран, и на реципрочна основа, Денови на иранскиот филм во Република Северна Македонија, соопшти Министерството за култура.