Ретрокино во дворот на Кинотеката

Во дворот на Кинотеката синоќа беа прикажани класичните филмови на 35 мм лента: првите филмови на браќата Лимиер од 1895 , „Кабинетот на доктор Калигари“, филм од германскиот германскиот експресионизам на Роберт Вине, и Македонска крвава свадба“ на Трајче Попов.

По поздравниот говор на директорот на Кинотеката, Владимир Ангелов, на посетителите, повеќе од 200, им се обрати и д-р Атанас Чупоски, филмолог-советник во Кинотеката, кој ги запозна пристуните со пионерските почетоци на филмот во светот.

Синоќешното ретрокино вечер под отворено небо беше само своевиден „тест“, со надеж дека наредното лето дворот на Кинотеката повторно ќе биде исполнет со зуењето на 35 мм проектор и со презентација на многу други класици на големото платно, информираат од Кинотеката.