Рекорден број закани со бомби на аеродромите во Москва

Аеродромите во Москва во изминатите 24 часа примиле седум дојави за поставени бомби, јави ТАСС, повикувајќи се на неименуван извор од безбедносните служби.

Според истиот извор ова е рекорден број на закани со бомба кои ги добиле аеродромите за само еден ден. За сите се утврдило дека се лажни..

Според него,, аеродромот Москва – Домодедово примил анонимен имејл, во кој се посочува дека во авион со 177 патници е поставена бомба.

Претходно денеска, меѓународниот аеродром Александар Пушким Москва – Шереметиево примил две закани со бомба за летови од Казан до Москва и од Москва до Уфе.

Сите авиони безбедно слетале и во нив не се пронајдени експлозивни направи.