Џеред Лето ги почести обожавателките со провокативна фотографија

Американскиот глумец и предводник на бендот „30 секунди до Марс“ – Џеред Лето на Инстаграм објави фотографија од своето голо атлетско мускулесто тело, докажувајќи дека за него „не е проблем ниту да се влезе во форма, ниту да се остане во форма“, како што гласи еден коментар потоа.

„Среќен ден на ’плочките‘. ПС: Не заборавајте да гласате“, порача глумецот во пресрет на претстојните претседателски избори во САД.

Лето (48), инаку, е веган, па според многумина, во тоа лежи тајната на неговиот изглед и форма.

Следни филмови каде што обожавателите ќе можат да го погледнат, се трилерите „Малите нешта“ (The Little things), „Морбиус“, закажани за 2021 година, како и мини-серијата „Лига на правдата“, во којашто ќе ја повтори улогата на „Џокер“.

Во декември, глумецот полни 49 години.