Годфри од Евертон во Аталанта

Италијанскиот фудбалски прволигаш Аталанта се согласи да го ангажира Бен Годфри од Евертон, објави денеска новинарот Фабрицио Романо.

Според истиот извор, договорот ќе биде финализиран во текот на денешниот ден, а вредноста на трансферот ќе изнесува десет милиони фунти.

Англискиот тим е принуден да продаде дел од своите играчи за да го балансира буџетот и да избегне нови казни поврзани со прекршување на финансискиот ферплеј.

Изминатата сезона, Премиер лигата во два наврати го казни Евертон со одземање бодови поради кршење на правилата за финансиски фер-плеј.

Годфри (26) пристигна во Гудисон Парк во 2020 година и за Евертон одигра 82 натпревари во сите конкуренции.

Претходно во кариерата настапуваше за Јорк Таун, Норич и Шрусбери.