Шумски пожар во Грција во близина на граничниот премин Богородица

Шумски пожар избувна во северниот дел на Грција во непосредна близина на граничниот премин Богородица (Евзони), границата е привремено затворена, а во прекин е и сообраќајот кон преминот од грчка страна, јави дописничката на МИА од Атина.

Во гаснењето на пожарот интервенираат 39 пожарникари два пешадиски тима, 12 возила и еден хеликоптер.

Извори од противпожарната служба на Грција за МИА велат дека пожарот е во тек и е во непосредна близина на границата.

Од регионалната полициска управа надлежна за конкретната област соопштија дека поради пожарот во прекин е сообраќајот на возила на автопатот кон Евзони, од надвозникот кај градот Поликастро до граничниот премин и паралелно упатија апел до возачите да бидат особено внимателни и да ги следат упатствата на сообраќајните полицајци.