Шеста жртва во нападот во Домот за стари лица во Дарувар

Шестата жртва од денешниот напад во Домот за стари лица во Дарувар, во Славонија, им подлегна на повредите, соопшти полицијата.

Началникот на СВР Бјеловар-Билогора, Никола Милина, изјави дека во болница од здобиените повреди починало и шесто лице, откако пензионираниот воен полицаец Крешимир Пахоки утрово пукал во вработените и жителите на Домот стари и изнемоштени лица во Дарувар.

Полицијата потврди дека човекот кој се поврзува со денешното повеќекратно убиство е под полициски надзор.

Според првичните информации пет лица загинале на местото на настанот.