Американскиот државен секретар Мајк Помпео денеска изјави дека САД дошле до заклучок дека сирискиот претседател Башар ал Асад користел хлор како хемиско оружје, за време на битката со бунтовниците во Идлиб во мај.
Комитетот за разузнавање на Претставничкиот дом денеска го објави текстот на жалбата за дејствата за претседателот Доналд Трамп, подготвена од свиркач во Белата куќа. Во меѓувреме „Њујорк тајмс“ дознава дека информаторот бил агент на Централната разузнавачка агенција (ЦИА).
Долгогодишниот претседател на Зимбабве, Роберт Мугабе, ќе биде погребан во неговиот роден дистрикт Звимба, а не на националните Гробишта на хероите, соопшти денеска владата на земјата, по три недели дискусии околу местото на неговото погребување.
САД воведоа санкции кон Раул Кастро и неговите деца, како нов притисок за Куба во врска со поддршката за претседателот на Венецуела, Николас Мадуро.
Германската канцеларка Ангела Меркел денеска изјави дека очекува Велика Британија да го најде својот пат по напуштањето на Европската унија и дека нема основа за ароганција кон земјата.
Британскиот премиер Борис Џонсон денеска повторно изгуби едно гласање во Парламентот, откако пратениците го отфрлија предлогот на Владата за пауза во законодавниот дом за да можат членовите на Конзервативната партија да присуствуваат на нивниот годишен конгрес, како што беше вообичаено претходно.
Претседавачот на Долниот дом на британскиот Парламент Џон Беркоу изјави дека според сегашните правила, националните избори не може да се одржат пред земјата да ја напушти Европската унија кон крајот на октомври.
Ласло Трочањи реагираше на одлуката на комисијата за правни прашања на Европскиот Парламент, која денеска оцени дека тој не може да биде европски комесар поради конфликт на интереси.
Германската канцеларка Ангела Меркел му оддаде почит на поранешниот француски претседател Жак Ширак како „голем државник и Европеец“.
Британскиот премиер Борис Џонсон денеска ја бранеше својата одлука да го употреби терминот „акт на предавство“ додека зборуваше за новиот закон кој го приморува да бара одложување на Брегзит доколку не успее да обезбеди договор за излез на Велика Британија од ЕУ.