Северна Кореја го подготвува својот нуклеарен полигон „Пунгери“ за меѓународни инспекции, објави јужнокорејската агенција Јонхап, која се повикува на јужнокорејската разузнавачка служба.
Демократите во Сенатот на САД побараа класифициран брифинг за да дознаат дали американското разузнавање знаело нешто однапред за плановите на Саудиска Арабија да го киднапира колумнистот на весникот „Вашингтон пост” Џамал Кашоги и да го повреди.
Американскиот државен секретар Мајк Помпео повика да прекинат борбите во Јемен и соопшти дека следниот месец треба да започнат преговорите под покровителство на ОН за ставање крај на граѓанската војна.
Американското Федерално истражно биро (ФБИ) започна истрага во врска со добиени сознанија за обид за дискредитација на специјалниот обвинител Роберт Малер, кој раководи со истрагата за руско мешање во изборите во САД во 2016 година.
Американскиот конгресмен Пол Рајан денеска изјави дека државјанството на САД стекнато со раѓање не е можно да биде укинато со претседателска уредба.
Доколку Грција започне конфликт со Турција ќе доживее катастрофа за три до четири часа, изјави денеска Јигит Булут, советник на турскиот претседател Реџеп Тајип Ердоган.
Стотици возила од марките „Фиат“ и „Масерати“ беа уништени денеска при пожар на пристаниште во градот Савона во северниот дел на Италија.
Германската канцеларка Ангела Меркел денеска изјави дека не верува оти нејзиното постепено повлекување од лидерската позиција, ќе ја ослабне нејзината преговарачка позиција на меѓународната политичка сцена, јави ДПА.
Рибарите од Газа кои работат под израелска блокада, со цел да ја обезбедат егзистенцијата на своите семејства, покрај потешкотиите што ги наложува самата професија, од друга страна, изложени се на куршумите и малтретирањата од страна на израелските сили.
Најмалку 27 шиитски муслимани се убиени во Абуџа, главниот град на Нигерија, од страна на нигериските трупи, соопшти денеска главното шиитско муслиманско движење во Нигерија.
