Во централна Словачка денеска се урна воен тренажен авион, а двајцата пилоти безбедно се катапултираа.
Двајцата Руси, осомничени од Лондон за обид за труење на Сергеј Скрипал, ја посетиле Чешка во 2014 година, кога таму бил и поранешниот руски двоен шпион, јавува чешкото радио „Радиожурнал“.
Сегашниот прв потпретседател на Европската Комисија од редовите на холандските социјалдемократи попладнево официјално ќе најави дека се кандидира за претседател на Европската Комисија, објавија медиумите.
Претседателот на Франција, Емануел Макрон денеска ја одложи реконструкцијата на Влада, покренувајќи нови прашања за политичкото искуство на владејачката партија и за сопствената можност да ја одржи својата администрација по неколкуте поднесени оставки.
Замениците-министри за надворешни работи на Русија, Кина и Северна Кореја по трипартитни консултации во Москва, повикаа на преразгледување на санкциите на Советот за безбедност на ОН кон Пјонгјанг, соопшти денеска руското Министерство за надворешни работи.
Најмалку девет лица го загубија животот, а околу 25 се водат за исчезнати, отакако, од за сега непознати причини потона чамец со бегалци и мигранти во близина на турското крајбрежје, објавија грчките медиуми, повикувајќи се на информации од турската крајбрежна служба.
Ураганот Мајкл денеска прерасна во ураган од четврта категорија, пред да ја погоди Флорида, поради што 500.000 луѓе се советувани да се евакуираат.
Турската приватна телевизија 24 ТВ денеска емитуваше видео-снимка на која се гледа како исчезнатиот саудиски новинар Џамал Кашоги влегува во Конзулатот на Саудиска Арабија во Истанбул и како подоцна од таму излегува црно возило кое се упатува кон домот на конзулот.
Американското оружје е подложно на кибер напади поради заостанувањето на Пентагон во кибер безбедноста и проблемот да се најде соодветен експертски персонал, се наведува во извештај на американските власти.
Романски свештеник се закани дека ќе ги исклучи од црквата луѓето кои не гласаа на референдумот за уставни измени за дефинирање на семејството.
