При напад на талибанците врз воена база во северниот дел на Авганистан убиени се најмалку 10 војници, а повредени се 15. Во борбите во последните два дена заробени се 15 авганистански војници.
Властите на канадската провинција Британска Колумбија наредија евакуција на речиси 7.000 семејства, поради ширењето на шумските пожари што со денови беснеат во тој дел на западна Канада.
Обилниот дожд кој во текот на ноќта врнеше во централна и источна Пенсилванија ги затвори патиштата и поплави куќи.
Премиерот на Израел. Бенјамин Нетанјаху во текот на мај тајно престојувал во Египет, каде се сретнал со египетскиот претседател Абдел Фатах ал Сиси, тврди изрелскиот весник „Хаарец“, повикувајќи се на американски официјални извори.
Два силни земјотреси синоќа се регистрирани во Норт Слоуп на Алјаска, но не преизвикале материјална штета. Едниот земјотрес бил со интензитет од 6,4, додека бил шест степени според Рихтеровата скала. Тоа се два најсилни земјотреса досега на Алјаска.
Основната мигрантска рута низ Западниот Балкан, од Македонија, преку Србија, до Унгарија и Хрватска ја користат се помал број мигранти, се наведува во извештај на Европската агенција за гранична и крајбрежна контрола Фронтекст.
Американскиот претседател Доналд Трамп синоќа го потпиша Законот за одбранбена политика вреден рекордни 176 милијарди долари.
Падот на вредноста на турската лира за 40 проценти е показател дека во Турција има проблеми со многу фундаментални основи на економијата, изјави економскиот советник на Белата куќа, Кевин Хасет.
Канцеларката Ангела Меркел денеска изјави дека територијалниот интегритет на државите на Западен Балкан е „неприкосновен“ , со што, како што е наведено на интернет страницата на германската влада, таа ги отфрли сите настојувања границите, подвлечени по војните на Балканот, да се ревидираат.
Франција објави дека следната година ќе воведе казнени мерки кои ќе ги зголемат цените во малопродажба ако се пакуваат производи во нерециклирана пластична амбалажа, соопшти Министерството за заштита на животната средина.
