Бензините од ноќеска на полноќ поевтинуваат за половина денар по литар, а цената на дизел горивото се зголемува за половина денар, одлучи денеска Регулаторната комисија за енергетика (РКЕ).
До 31 август заинтересираните кандидати можат да се пријавуваат за полагање на испит за овластен стечаен управник што го распиша Министерството за економија, а е услов за добивање лиценца за вршење на работите на стечаен управник, како лице овластено во стечајната постапка да ја води реорганизацијата или ликвидацијата на должникот.
Европејците на туристички патувања годишно вкупно трошат 428 милијарди евра, најмногу Германците 120 милијарди, Французите 71 и Британците 61 милијарда.
Повратот на ДДВ за фирмите во првите седум месеци од годинава изнесува 12,7 милијарди денари (206,4 милиони евра), што е е за 24 отсто повеќе од истиот период лани.
Фондот за иновации и технолошки развој ги отфрли како невистинити денешните обвинувања од ВМРО-ДПМНЕ дека биле доделени средства на фирми кои се во постапка на ликвидација во Централниот регистар.
Успешно се спроведуваат Оперативниот план за вработување 2018 и пилот-програмата Гаранција за млади. Тоа покажува дека создадовме ефикасни механизми за намалување на невработеноста во Македонија, а веројатно во наредниот период позитивните резултатите ќе се видат и кај младите кои се уште се без работа, соопшти министерката за труд и социјална политика Мила Царовска.
Министерството за финансии изготви или стави во примена осум закони кои нудат директни поволности за граѓаните и фирмите.
Стопанската комора на Македонија вечерва преку соопштение излезе со оценка дека влијанието на политиката и политичките случувања во изминатите години врз економијата во земјата било големо и смета дека компаниите треба да се остават да се пробиваат на пазарот единствено врз основа на квалитетот и конкурентноста на цените на нивните производи.
Дополнителна субвенција од два денара за килограм за правни лица откупувачи на сливи регистрирани за преработка на земјоделски производи и правни лица регистрирани за вршење на трговија со земјоделски мерки, е новата мерка која Владата ја донесе на последната седница за стабилизација на состојбите со откупот на сливите.
Министерот Зоран Шапуриќ, задолжен за регулатива за подобрување инвестициска клима за домашни претпријатија, денеска ја посети фабриката за производство на месни производи „Пекабеско“ АД Скопје.
