Македонско – американската алумни асоцијација (МААА) на 15 декември годинава ќе одржи добротворен концерт во Македонската филхармонија.
Ансамблот на НУ Народен театар-Битола е подготвен за премиерна изведба на претставата „Аждер“ од Евгениј Шварц, во режија на Владимир Милчин.
Јубилејното, 10-то издание на меѓународниот фестивал на „Музика од Светот“ во Битола ќе почне со целовечерен концерт на македонската група „Синтезис“.
Драмски театар-Скопје вечер од 20 часот премиерно ќе ја изведе претставата „Прослава“ (Фестен) од Дејвид Елдриџ во режија на Зоја Бузалковска.
Центарот за научни истражувања и промоција на културата „ХАЕМУС“, денеска во ЕУ Инфо центарот, ќе одржи серија предавања по повод „Меѓународниот ден на археологијата 2018“.
„Есенските музички свечености“, кои презентираат класична музика и, главно, од камерни состави, годинава на програмата имаат и концерт на народна музика. Посветен е на доајенот на изворната песна Никола Бадев и ќе се одржи вечер од 20 часот во Македонската опера и балет.
На големата сцена во Театарот „Јордан Х.К-Џинот“ во Велес денеска ќе биде изведена претставата „Лисистрата“ од Аристофан, во режија и сценска адаптација на режисерот од Ерменија Хакоб Газанчјан.
Во рамки на Меѓународниот театарски фестивал „Театар во куфер“, денеска во Дом на млади во Штип се одржа симпозиум на тема „Патувачки театар“ – придружен настан покрај шесте претстави на програмата на фестивалот.
Велешкиот народен театар „Јордан Х К Џинот“ денеска со три претстави од претставата за деца „Заспаниот супер херој“, по текст и режија на Младен Крстевски, ќе гостува во Центарот за култура „Ацо Караманов“ во Радовиш.
Во Музеј на Град Скопје (МГС) вечер ќе биде отворена изложба „Ослободување“ – мултимедијален проект на Милена Атанасова во кој низ танц, видео и музика авторката раскажува интимна приказна за три клучни периоди од нејзиниот живот.
