Сообраќајот на магистралните и регионални патишта во источна и југоисточна Македонија се одвива во отежнати услови.
Новите интензивни снежни врнежи, кои денеска го зафатија и Полошкиот регион, во значителна мерка го забавија одвивањето на сообраќајот, пред сé кон Попова Шапка, Стража и Маврово. Извесни потешкотии во одвивањето предизвикаа и на тетовските и гостиварските улици.
Секторот за финансии на Општина Виница успешно ја завршил наплатата на даноците за 2018 година, при што процентот на реализација е над сто отсто.
Забрана за сообраќај на тешки товарни возила е воведена на планинскиот премин Плетвар, соопшти АМСМ.
Арбен Таравари од Алијансата на Албанците денеска оствари средба со тројцата европратеници кои од најблиску ја пратат Македонија, Иво Вајгл, Едвард Кукан и Кнут Флекенштајн.
Поради констатирање на состојбата со загадувањето на водите во Каменичка Река утрово стручни служби од општина Македонска Каменица излегоа на терен, при што службите од општината го посетија Рудник САСА. Од таму е потврдена информација за дефектот поради кој настанало загадувањето. Како што вели градоначалничката на Македонска Каменица, Соња Стаменкова со отстранувањето на дефектот е запрено и истекувањето на хемикалии во Каменичка Река.
Штипските пожарникари од Нова Година до денеска имале вкупно 23 пожари. Командирот на ТППЕ-Штип, Тони Атанасов вели дека во просек имале по три интервенции на ден, што за овој период е голем процент.
Поради непрописно паркирање возила низ струшките улици, екипите на јавното претпријатие „Комунално“ од Струга се соочуваат со проблеми околу расчистувањето на снегот.
Eкипи на јавното претпријатие „Охридски комуналец“ од утрово работат на расчистување на тротоарите и коловозите од снегот, кој од ноќеска интензивно паѓа во охридскиот регион.
Преставници од Движењето против коцкање денеска на прес-конференција во Тетово уште еднаш ја потсетија Владата и другите институции и поединци за барањата од нивниот протест што на 21 декември се одржа на плоштадот во Тетово и што беше поддржан и од претставници на верските заедници ИВЗ и МПЦ.
