Зголемен број на скршеници и повреди како последица на снегот и мразот има деновиве во Тиквешко. Оваа информација за МИА ја потврди доктор Драги Јованов, специјалист ортопед и раководител на хируршкото одделение при регионалната болница во Кавадарци.
И покрај тоа што Уставниот суд на Република Македонија по иницијатива на компанијата „Резервоар минералс“, ја поништи Одлуката за распишување референдум како и резултатите од референдумот одржан на 23 април 2017 година, општина Гевгелија останува категорично да биде против отворање рудници на нејзина територија што беше потврдено и од 99 отсто од граѓаните кои ја изразија својата волја на сега поништениот референдум, соопшти денеска службата за односи со јавноста.
Сообраќајот на државните патишта се одвива по наместа влажни коловози, наместа со остатоци од кашест снег на коловозот по интервенција на дежурни екипи од ЈП Македонија пат.
Во попладневните часови во Македонија ќе има пообилни снежни врнежите, особено во западните делови, каде се очекува да се формира нова снежната покривка и над 50 сантиметри.
Генералниот секретар на Алијансата за Албанци Арбен Таравари, денеска е во официјална посета на Брисел.
Во текот на последната недела од 2018 година и новогодишните и божиќните празници, царинските службеници открија повеќе обиди за криумчарење разна стока, при што привремено се задржани моторцикл, скутер, делови за возила, фотокопир, гасен пиштол, препарати за потенција, алкохолни пијалоци, алат, електричен кабел, облека, лап-топ компјутери и фалсификати.
Додека пешаците се најранлива категорија учесници во сообраќајот, возачите, пак, се оние кои најчесто предизвикуваат или учествуваат во сообраќајна незгода. Зимата и зимските услови на патиштата предизвикуваат сериозни проблеми, како за возачите, така и за пешаците.
Од 08:55 се воведува забрана за движење на тешки товарни возила на патниот правец Гостивар-Кичево преку планинскиот премин Стража, во двата правци, соопштија АМСМ и ЈП Македонија пат.
Од 08:45 часот се воведува забрана за движење на тешки товарни возила и автобуси, а за останатите возила задолжително употреба на зимска опрема (синџири) на патниот правец Тетово-Попова Шапка, соопштија АМСМ и ЈП Македонија пат.
Најниска температура од минус 15 степени изутринава е измерена во Битола. Минус 12 е во Берово и Прилеп, минус 11 во Струмица, а девет степени под нулата во Скопје.
