Основа на манастирскиот комплекс е малата пештерска црква, сместена во карпа, изградена во 14. век. Во трите монашки ќелии, две на првиот и една на вториот кат се влегува преку мала и тесна врата, а внатре покрај доховен мир ќе најдете и многу историја. Тука претстојувале и твореле познати интелектуалци, меѓу кои и браќата Димитар и Константин Миладинови.
Во Делчево се одржа завршната работилница за изработка на Стратегија за соработка меѓу општина Делчево и граѓанскиот сектор. На работилницата присуствуваа претставници на десетина активни невладини организации и општина Делчево кои се вклучени во процесот на изработка на стратешкиот документ.
Подготовката на техничката документација за реконструкција на пешачката патека покрај Дојранското езеро, изградба на локален пат, поставување нова урбана опрема и како и изработка на проекти за заштита на животната средина во чија што реализација би можел да помогне и УНДП, биле темите на разговор меѓу заменик министерот за локална самоуправа Дејан Павлески и градоначалникот на Дојран Анго Ангов.
Општина Крива Паланка го распиша конкурсот за доделување на наградите „8 Октомври“, „Почесен граѓанин на Крива Паланка“ и „Признание за особени постигнувања и придонес за развојот и афирмацијата на општина Крива Паланка“ за 2018 година.
Околу седумстотини трговци од цела Македонија изразија интерес да закупат простор и постават тезга на „Неготински панаѓур”, тридневната стопанско-туристичка манифестација која започнува утре и ќе трае до недела.
Покрај подготовките за штипската „Пастрмалијада 2018“, во тек се и финалните подготовки за 33-тото издание на фестивалот на музика „Макфест 2018“. Штип е подготвен да оддржи уште едно издание на „Макфест 2018“, кое треба да започне на 4 октомври.
Марковите кули над Прилеп претендираат од Привремената да бидат ставени на Постојаната листа на светско наследство УНЕСКО, со што оваа природна реткост би била втора во Македонија на таа листа на организацијата на ОН, по охридскиот регион.
Почна поставувањето на бината и штандовите за угостителските објекти, кои ќе бидат дел од 12. издание на манифестацијата „Пастрамајлијада“.
Општинската организација на Црвен крст од Струмица заедно со општина Струмица, Територијалната противпожарна единица, Дирекцијата за заштита и спасување, Центарот за за управување со кризи, СВР Струмица и Итната медицинска помош денеска организираше симулативна вежба за евакуација на вработените од општинската зграда во случај на земјотрес.
Градоначалникот на општина Штип, Благој Бочварски, заедно со директорката на Центар за развој на Источно планскиот регион, Драгица Здравева и претставник од градежната фирма „Вардар Градба Скопје“ го потпишаа договорот за изградба на детска градинка во штипската населба „Сењак“, во која ќе се згрижат 200 деца.
