На граничниот премин Табановце има зголемена фреквенција на возила. Времето на чекање за излез од државата, е од 15 до 30 минути, информираат од Автомото сојузот на Македонија.
Времето до крајот на денот ќе биде нестабилно со локален пороен дожд и грмежи. Врнежите ќе продолжат и преку ноќта и ќе се интензивираат, особено во северните делови. Ветерот во ноќните часови ќе го промени правецот во северозападен и ќе се засилува, особено во горниот дел на Повардарието.
Стручна екипа од 20 лица и од 80-100 работници неполни четири месеци работеа на три локации за кои беше познато дека можат да имаат вреден археолошки материјал кој квалитетно треба да се пронајде и конзервира. Две од локациите се во атарот на општина Штип, една во општина Радовиш.
Во организација на кошаркарскиот клуб „Клубски Патриот“ во Делчево се одржува традиционалниот меѓународен кошаркарски камп „Делчево 2018“.
Роднини, пријатели, претставници од полицијата и бранители положија цвеќе и запалија свеќи пред спомен плочата во гостиварската населба Циглана, во знак на почит кон Александар Николиќ и Даил Јанкоски полициски резервисти кои беа убиени во 2002 година.
Со помен парастос на православните гробишта во Челопек, како и на разурнатиот мотел Бриони членовите на семејствата ја одбележаа 17 годишнината од загинувањето на Светослав Трпковски и Боге Илиевски.
На армискиот полигон „Криволак“ припадници на војската на Црна Гора, врз основа на планот за билатерална армиска соработка за годинава, од денеска до први септември ќе реализираат обука со артилериско гаѓање, со потребната подршка од Армијата на Република Македонија.
Над 150 учесници од Македонија и десетина од соседна Албанија учествуваат на петтата велосипедска тура „Тур де Галичица“ што утрово почна од Плоштадот во Ресен и ќе се вози по падините на планината Галичица во должина од 68 километри.
Менаџментот на Рударско енергетскиот комбинат, РЕК Битола ја утврди празничната програма за одбележување на 28-ми август, македонскиот Ден на рударите.
Со учество на околу 200 планинари како од Македонија така и од соседна Република Бугарија започна планинарскиот марш до врвот Чавка на планината Голак.
