Синоќа на градскиот плоштад во Куманово се одржа концерт во организација на општината по повод Денот на ослободување на Куманово, 11 ноември.
Амбасадите на Република Франција и на Сојузна Република Германија во Македонија по повод Денот на примирјето од Првата светска војна и Денот на народна жалост денеска на Француските воени гробишта во Битола одржаа комеморација.
Штип да изгради споменик на првиот претседател на Република Македонија Киро Глигоров, побараа граѓаните кои денеска присуствуваа на предавањето на Срѓан Керим на тема „Она што не го знаеме за Киро Глигоров“.
Министерот задолжен за странски инвестиции Аднан Ќахил денеска присуствуваше на комеморативната церемонија по повод 79 години од смртта на Мустафа Кемал Ататурк, основачот на современа Република Турција.
Младо рисче со својата мајка е фотографирано на планината Јабланица. Фотографијата е обезбедена преку фото-замка од мониторингот што го врши Програмата за заштита на балканскиот рис спроведуван од Македонско еколошкото друштво (МЕД).
Доверителите на ски-центарот Кожуф, кој има седиште во Кавадарци, не сакаат тој да оди во ликвидација. Затоа беше одложено судското рочиште за стечај од пред два дена, за да се видат можностите за реорганизација.
Во Берово денеска заврши тридневната работилница на проектот „Напреден систем за превенција и рана детекција на шумски пожари“ имплементиран од Воената академија „Генерал Михаило Апостолски-Скопје“ и Универзитетот за применети науки Фулда, Германија.
Околу 850 работници на „Фени“ го блокираа магистралниот Градско-Прилеп со барање неколкуте банки доверители да се повлечат и компанијата да не оди во стечај.
Чествувањата почнаа утрово со полагање цвеќе пред спомен-обележјата на борците од НОВ во градот, а ќе продолжат на пладне со културно-уметничка програма што ќе се одржи во големата сала на Општина Охрид.
Владата на Република Македонија итно да оформи посебен Фонд за заштита на животната средина и да одвои околу 1 процент од проектираниот БДП за 2018 година, бараат од заедницата на еко-активисти „Скопје Смог Аларм“.
