Планинарски марш до Царев Врв по повод Петровден

Планинарското спортско друштво „Осогово“ од Кочани во текот на вчерашниот ден го реализираше традиционалниот десетти по ред планинарски Петровденски марш со искачување на врвот Царев Врв на 2.085 метри н.в.. Планинарскиот марш се реализира по повод Петровден празникот на градот Кочани.

- На планинарскиот Петровденски марш учествуваа 170 планинари од Кочани, како и планинари од Прилеп, Гевгелија, Неготино, Штип, Пехчево, Велес, Скопје и од соседна Република Бугарија. Патеката од Пониква на 1.600 метри н.в. до Царев Врв 2.086 метри н.в., во должина од 35 километри во двата правца, плнанинарите ја поминаа за 9 часа со леснотија и покрај планинскиот терен и високите температури, изјави Сашко Стефановски од ПСД „Осогово“ од Кочани.

На клубовите учесници на маршот, како и на најмладиот и најстариот учесник планинар им беа доделени благодарници.