Коѕиас и Нимиц ќе се сретнат во понеделник во Брисел

Грчкиот министер за надворешни работи Никос Коѕиас во понеделник во Брисел ќе се сретне со медијаторот Метју Нимиц.

Ова денеска официјално го соопшти грчкото МНР, без други детали за средбата.

Коѕиас во интервју пред неколку дена за грчката телевизија Антена не одговори на новинарско прашање кои се црвените линии на грчката Влада во спорот за името.

- Во понеделник ќе одам на преговори и би било голема грешка од моја страна да се произнесам на еден јавен настап неколку дена претходно, рече тогаш шефот на грчката дипломатија.