Џејми Фокс објави слики од своето „ново“ тело, подготовки за филмот за Мајк Тајсон

Глумецот Џејми Фокс објави фотографии од своето „ново“, мускулесто тело, коешто е резултат на подготовките за неговиот следен филм.

Имено, Фокс (52) се подготвува за улогата на боксерот Мајк Тајсон во новиот биографски филм за него. 3а таа цел, глумецот мора да биде во врвна атлетска форма.

Филмот е сѐ уште во претпродукција.

Од друга страна пак, Тајсон (53) исто така е во тренажен процес. Претходно тој најави свое кусо враќање во рингот заради неколку тривијални, хуманитарни мечеви.