Вучиќ на СБ на ОН: Со изборната кампања на Курти во Македонија, тој ја поткопува регионалната стабилност

Српскиот претседател Александар Вучиќ на седницата на Советот за безбедност на ОН за шестомесечниот извештај за работата на УНМИК во Косово, изјави дека „(косовскиот премиер) Албин Курти не е во Њујорк, туку е зафатен со поткопување на регионалната стабилност бидејќи тој лично ја води кампањата за изборите на неговата партија во соседна Северна Македонија“, јави дописникот на МИА од Белград.

-Замислете, најпопуларен политичар во Македонија не е Албин Курти, туку претседателот на Србија Александар Вучиќ, кој притоа нема никаква кампања во Македонија. Се извинувам како претседател на Србија што нашиот државјанин вака се однесува на меѓународна сцена, рече Вучиќ. .

Тој порача дека Србија не се меша во внатрешните работи на Северна Македонија.

-Сакам да им пренесам на луѓето во Северна Македонија дека мешањето во нивните внатрешни работи не е политика на Србија, туку на нашиот неодговорен државјанин Албин Курти, рече Вучиќ.