Најмалку пет лица загинаа, а 16 други се ранети денеска при експлозија на автомобил-бомба во ирачкиот град Тикрит.
Австрискиот канцелар Себастијан Курц утре во Виена ќе органзира работен ручек за премиерите на земјите од Запаен Балкан и еврокомесарите за проширување и за дигитално општество, Јоханес Хан и Марија Габриел.
Германија и Франција треба да работат заедно на нова етапа на подем на Европа, со цел да се спречи запаѓање на светот во хаос и да се гарантира мирот, порача денеска од Берлин француксиот претседател Емануел Макрон.
Со учество на речиси 1.000 претставници од 173 земји, денеска во Дубаи почна заседанието на Генералното собрание на Меѓународната полициска организација (Интерпол).
Убијците на саудискиот новинар Џамал Каошги најверојатно го изнеле неговото тело од Турција, разделено на парчиња и скриено во нивниот багаж, изјави денеска турскиот министер за одбрана Хулуси Акар.
Самитот на земјите членки на Организацијата на Азиско-пацифичката економска соработка (АПЕК) заврши денеска без објавување на заедничко соопштение на учесниците, како резултат на несогласувањета меѓу САД и Кина околу трговските прашања.
Германија планира усвојување на мерки со кои би се овозможило побрзо и поефикасно протерување на мигрантите кои илегално престојуваат во земјата, тврди весникот „Билд ам Зонтаг“.
Демонстрантите во Франција, кои веќе втор ден протестираат поради поскапувањето на горивата и патарините и зголемувањето на даноците, денеска со неколку десетици возила блокираа седум од деветте влезови на паркингот во парискиот Дизниленд, овозможувајќи им на посетителите бесплатно паркирање.
Папата Франциско денеска ја критикуваше растечката нееднаквост во богатството и третманот кон мигрантите, порачувајќи дека светот не би требало да ги игнорира оние „кои животот ги расфрла на сите страни“.
Во северната индиска држава Утар Прадеш е отворена првата болница за слонови, што е опремена со најсовремени средства за лекување на тие животни.
