Во текот на минатата година француската Комисија за издавање на легитимации на професионални новинари издала 16.610 новинарски легитимации на жени, што претставува 47 отсто од вкупниот број издадени прес-карти.
Бројот на загинати во уривањето на зградата во Истанбул се зголеми на 14 жртви, откако денеска се најдени уште три тела, изјави турски официјелен претставник.
Џихадистичката група Исламска држава (ИД) е далеку од поразена и таа сега, откако ја загуби речиси целата територија што ја контролираше во Сирија, се претвора во асиметрична воена сила, изјави денеска германската канцеларка Ангела Меркел.
Њу Делхи е погоден од бура со пороен дожд и град, „обојувајќи“ го градот во бело, што предизвикало неверување и воодушевување меѓу жителите на индиската престолнина.
Земјотрес со интензитет од 6,1 степен го погоди источниот дел на Филипини, соопшти денеска Американскиот геолошки завод.
Шведската полиција денеска уапси маж за кој има сомнеж дека бркал неколку луѓе со нож в рака и повредил едно лице, пред да биде фатен пред Полициската академија во Стокхолм.
Финската Влада денеска ги објави првите резултати од двегодишниот експеримент со гарантирана плата за невработени, завршен пред еден месец, кој, спротивно на очекувањата, покажа дека тоа не ги мотивирало корисниците да работат и на тој начин да заработуваат повеќе.
Рускиот претседател Владимир Путин планира кон крајот на месецов да одржи годишно обраќање пред Федералното собрание.
Поранешниот претседател на Франција, Франсоа Оланд присуствуваше на конференцијата одржана на факултетот за политички науки во Париз посветена на кризата на социјалдемократијата. Тој ја искористи можноста да го истакне своето мислење за целата француска политичка елита, но и за американскиот претседател Доналд Трамп, јави дописникот на МИА.
Француското национално финансиско обвинителство започна истрага за договор за безбедносни активности, потпишан меѓу фирмата на поранешен функционер на партијата на францускиот претседател Емануел Макрон и руски олигарх.
