Република Македонија во 2019 година ќе биде домаќин на министерскиот Форум за културна соработка помеѓу НР Кина и останатите земји од Централна и Источна Европа, порача министерот за култура Асаф Адеми на синоќешната промоција на кинеската култура и гастрономија во Музејот на современа уметност во Скопје.
Дваесетина музеи, невладини организации и други институции што се грижат за културното наследство ќе бидат вклучени во манифестацијата „Европски денови на културното наследство“ која во координација на Музејот на Македонија ќе се одржува од 27 септември до 7 октомври.
Министерството за култура соопшти дека преку Министерството за финансии се обезбедени средства за надминување на проблемот со валоризација на стручните работници во областа на заштита на културното наследство и реализација на нивните законски права.
Македонската опера и балет в петок ќе ја почне новата сезона 2018/2019 година со најпопуларната сценска кантата „Кармина Бурана“ од германскиот композитор Карл Орф, која репризно ќе биде изведена наредниот ден, 29 септември.
Националната и универзитетска библиотека „Св. Климент Охридски“-Скопје денеска организираше манифестација во сеќавање на двајца македонски писатели - по повод 90 години од раѓањето на Томе Арсовски (1928-2007) и 15 години од смртта на Димитар Солев (1930-2003).
Со претставата „Јас веќе не судам, тие ми пресудија мене“ во изведба на средношколците о драмската секција на средно општинско училиште „Ѓорче Петров“, Крива Паланка, синоќа беше затворено годинашното издание на десеттиот Меѓународен театарски фестивал „Св.Јоаким Осоговски“.
Независната театарска група „Артопија“ во рамки на 43. Млад отворен театар, вечер од 22 часот во кино „Фросина“ премиерно ќе ја изведе претставата „Д шииит“ (The Shee(i)t“ во режија на Ирем Ајдим.
Осумдесетина млади играорки и играорци, членови на културно-уметничкото друштво „Карпош“ од Крива Паланка беа дел од денешната ревија на автентични, оригинални носии од Криопаланечкиот крај и регионот.
Авторката Гордана Хаџи Николова Малашев за скулптурата реализирана во дрво „Девојката од друга планета“ е добитник на наградата посветена на мајсторот на современата македонска ликовна уметност, Владимир Георгиевски.
Кинематограферите од светот кои годинава учествуваат во натпреварувачкиот дел од ИФФК „Браќа Манаки“, ги оценува и ќе ги награди меѓународно жири кое го предводи Олимпија Митилинеу, кинематографер од Грција.