Младата французинка Гладис Авињон е годинешен победник на традиционалниот музички натпревар што секоја година се одржува на европските лајонс форуми.
Македонија и македонската современа литература ќе биде во фокусот на Регионалната програма на годинешниот 24. Саем на книгата во Истра, што ќе се одржи во Пула од 29 ноември до 9 декември.
„Телото како вселенски брод“ е насловот на предавањето што денеска во Кино салата на Музејот на современата уметност (МСУ) ќе го одржи Лиза Нојберг, уметничка од Малме, Шведска, која ги истражува радикалните можности за педагогија и перформанси преку процеси кои вклучуваат колективни, утописки, трансгресивни, пресечни и критични практики.
На големата сцена во театарот „Јордан Х.К.-Џинот“ во Велес, вечерва, премиерно ќе биде изведена претставата „Елешник“ од Југослав Петровски, во режија на Елеонора Теова. Таа појаснува дека „Елешник“ е претстава за дадениот збор, за образот и чесноста на една бескрајна љубов, што стануваат робови притиснати од стегите на лакомоста, отуѓеноста и лошото влијание на „брзото живеење“.
„Види ја ти неа“ во режија на Горан Столевски ќе биде прикажан во Официјалната програма Balkan Survey на 59. Интернационалниот филмски фестивал во Солун со две проекции, на 5-ти и 11 ноември.
Во Занаетчискиот дом Куманово, вечерва пред граѓаните беше прикажан францускиот филм „Жените од шестиот кат“, комедија која годинава забележа успех и во Франција во рамки на француската филмска вечер.
Љубовен, за денешни и дамнешни души е шестиот долгометражен игран филм „Врба” на Милчо Манчевски чие снимање почна денеска во близина на прилепското село Крушевица.
Македонската филхармонија во периодот од 28 октомври до 2 ноември ќе биде на турнеја во шпанските градови Сарагоса и Хуеска. На 30 октомври филхармонијата ќе одржи концерт во салата „Моцарт“ во Аудиториумот во Сарагоса, додека на 1 ноември ќе настапи во Конгресната палата во Хуеска.
Во Младинскиот културен центар вечерва свечено беше отворено 12. издание на театарскиот фестивал Скупи, на кое присуствува премиерот Зоран Заев и министерот за култура Асаф Адеми. Пред публиката во следните седум дена ќе се претстават седум театарски ансамбли од регионот и Европа.
Конзерваторските работи на крстилницата во Епископската базилика во Стоби се завршени со третиот грант од Амбасадорскиот фонд за културна заштита на САД, вреден речиси 89 илјади американски долари наменет за овој археолошки локалитет. Првиот американски грант од 15.000 долари беше за истражувања на Римскиот форум во Стоби, а следниот од 72.600 долари – за заштита на фреските од базиликата.
