Младинската акциска група од Кочани, со поддршка од Центарот за култура, комуникација и едукација на Ромите „Светла иднина“, ќе реализира меѓународен младински мултикултурен камп што ќе се одржи на планинскиот центар Пониква.
Во галерија „КО-РА“ во Домот на културата „Кочо Рацин“ денеска ќе биде одржана конференција на тема „Како до почист воздух во градовите“.
Македонската академија на науките и уметностите во соработка со Мисијата на ОБСЕ во Скопје, по седми пат, организираат одбележување на Меѓународниот ден за толеранција.
Со церемонијалниот прием на военото знаме на првиот механизиран пешадиски баталјон, потполковник Стојанче Костов, ја прими должноста командант на оваа единица од составот на прва механизирана пешадиска бригада.
Само 20 проценти од површините планирани за есенска сеидба со пченица, јачмен и ‘рж се засеани, а останатите не се ниту подготвени за сеидба, велат земјоделци од Струмичко.
Нови четири илјади корени есенски цвеќа ќе бидат засадени на јавните површини во општина Крива Паланка. Активноста ја реализира секторот Паркови и зеленила во Јавно претпријатие “Комуналец”, Крива Паланка.
Советот на општина Гевгелија го усвои развојниот план за 2019 во кој според заклучокот акцент ќе се стави на реализација на капитални проекти како што се изградбата на нови 14 училници во гевгелиската гимназија, нова детска градинка и регулација на дел од коритото на Сува Река во урбанизираниот дел од градот.
Зимската служба на град Скопје за претстојната сезона има обезбедено 4.000 тони сол. Од Градот Скопје информираат дека заедно со преостанатите количества од минатата сезона вкупно на располагање на зимската служба и се 4.500 тони за зимско одржување на улиците. Покрај ова, обезбедени се и 300 тони ладен асфалт.
Прилепскиот Совет ја донесе развојната програма за 2019 година која содржи кои капитални проекти ќе се реализираат, а се за развојот на општината.
Во библиотеката „Кочо Рацин“ во Кичево зголемени се формите и содржините на работа, а особено внимание им се посветува на културно-образовните активности, на популаризација на книгата и зголемување на бројот на корисниците.
