Само три правни субјекти во општина Гевгелија платиле три милиони денари данок на имот годишно, а во исто време сите други регистрирани правни субјекти заедно платиле, исто така, 3 милиони денари што според сопствената анализа на советникот Тихомир Ручкоманов, презентирана на последната седница на гевгелискиот Совет, не е реално.
Општина Виница очекува да добие околу 3,6 милиони денари од најавената финансиска помош што државата ќе им ја распредели на општините за намалување на нивната задолженост. Со овие пари ќе се подмират дел од долговите што го отежнуваат функционирањето на локалната самоуправа, а кои се наследени пред повеќе години.
Здружението на граѓани „Европски центар за развој, толеранција и соработка” започна проект во Гостивар со предавања во училиштата, работилници, кампања за подигнување на свеста како и обезбедување на канти за рециклирање на отпад во училишните дворови.
Прилепски водовод смета дека Советот на Општина Прилеп треба да ја донесе предлог-одлуката на ова Јавно претпријатие за цената на услугата за пречистување на отпадните води, која треба да се воведе со профунционирањето на пречистителната станица што се изгради со пари од европските фондови.
Унапредувањето на соработката во областа на туризмот, негувањето и развивањето на културните врски, како и можноста за воспоставување авионска линија на релација Москва – Охрид беа темите на разговор.
Аматерската театарска група „Дон Кихот“ од Гевгелија со премиерната изведба на претставата „На здравје“ на градот и граѓаните им го врати театарот, нешто што некогаш постоеше и што Гевгелија залужува да го има.
Новото решение е донесено откако Апелацискиот суд ги прифатил жалбите доставени од доверителите Акрон од Белизе, Кунико Маркетинг ФЗЕ од Дубаи, Кунико Ресурсис од Холандија и Друштвото за транспорт и услуги ДХЛ Експрес Македонија ДООЕЛ Скопје.
Конечно отпочнува процесот за креирање на регионални депонии за управување со цврстиот отпад кој ќе ги реши пробелемите со управувањето со отпадот на целата територија на земјава, најави денеска владиниот портпарол Миле Бошњаковски.
Фирма донирала улични сијалици во Росоман за време на претходната локална самоуправа, а сега од новата бара се платат. Во спротивно, ќе ги демонтира сијалиците. Во изјава за МИА, градоначалникот Бранко Јанев појаснува дека се работи за фирма која донирала сијалици, а општината поседувала и документ испратница, во кој стоело дека локалната самоуправа немала обврска кон донаторот.
Чувството да се лета е неописливо, тоа е убавина што треба да се доживее, но посебно е чувството да се обучи млад човек, да се пренесе знаењето на помладите генерации, вели Драган Саздовски, инструктор и управител во Аероклубот Куманово.
