Три лица се полесно повредени во три сообраќајни незгоди што се случиле изминатото деноноќие на подрачјето на Град Скопје. Во две сообраќајки е причинета материјална штета.
Организаторите нa криминалните групи за трговија со луѓе веќе користат нови модуси за присилба на жртвите, многу пософистицирани и перфидни, со кои се прави самите жртви да не го препознаат, да не се чувствуваат како такви, и да не сакаат да соработуваат за откривање и покренување постапки против експлоататорите.
Екипи од брза помош, против-пожарна служба, полиција, војска, специјални единици, хеликоптер на АРМ, како и огромен број локални жители ја спроведуваа тешката спасувачка акција со цел во што поголем број да ги извлечат повредените лица, како и телата на загинатите.
Како што соопшти вечерва премиерот Зоран Заев, изразувајќи сочувство до семејствата на загинатите, бројката на починати се искачи на 14, а шест се борат за живот.
Страотна слика на местото на настанот каде вечерва се случи смртносната автобуска сообраќајна несреќа.
Меѓу починатите, како што потврди СДСМ, е и 25-годишниот Јовица Трпевски, син на пратеникот од оваа партија Благојче Трпевски.
Министерот за здравство Венко Филипче од Градската општа болница „8 Септември“ вечерва замина на Институтот за судска медицина каде треба да бидат идентификувани лицата што починаа во тешката сообраќајка кај Карпалак.
-Вкупно 32 повредени се примени во нашата болница, од кои четворица се на интензивна нега, во критична состојба, а еден е пренесен на торакална хирургија, информира Костов.
- Сечевме делови автобусот за да спасиме луѓе. Слушавме плач беше многу страшна слика. 25 луѓе пренесовме со приватни автомобили до болница. Се плашевме да не експлодира автобусот зошто мирисаше на нафта, вели во изјава за Телма претседателот на месната заедница на селото Лекарци.
Очевидците пак на страотната несреќа велат дека селаните први излегле да помогнат по превртувањето на автобусот, а кога дошле пожарникарите тие со багери им помогнале да го превртат автобусот за да можат што побрзо да ги извлечат луѓето, велат извори за Макпрес.
