Двете Кореи водат преговори за повлекување на артилериското оружје на Северот од заедничката граница, изјави денеска јужнокорејскиот премиер Ли Нак-јеон.
Спутник Србија денеска го објави коментарот на постојаниот претставник на Русија во ЕУ, Владимир Чижов во кој тој ги објаснува негативните последици од можното зачленување на Македонија во НАТО.
Со преброени веќе половина од гласовите, турскиот претседател Реџеп Тајип Ердоган има убедливо водство пред водечкиот противкандидат Мухарем Инџе од 57 проценти наспроти 29 проценти од гласовите.
Пред почетокот на неформалниот работен мини-самит за миграцијата во Брисел попладнево, канцеларката Ангела Меркел порача дека нема да се изнајде целосно решение ниту на крајот на оваа недела.
Германската канцеларка Ангела Меркел изјави дека од другите членки на Европската Унија ќе побара начин како да се постигне „разумно балансирање“ во распределувањето на мигрантите што бараат азил во ЕУ, но дека ќе зборуваат и за заштита на надворешните граници на Унијата со цел намалување на илегалната миграција.
Од бродот Боу Џубаил истекле околу 220 тони тешка нафта, која се шири низ каналите на огромното холандско пристаниште. Од пристаништето велат дека чистењето на нафтата ќе трае со денови, а можеби и недели. Најмалку 1.000 птици веќе се прекриени со нафта.
Спорот во германската Влада околу мигрантските прашања доведува до засилување на националистичките партии како што е Алтернативата за Германија (АФД). Според анкета на весниот „Билд ам Зонтаг“, поддршката на двете владејачки конзервативни партии, ЦДУ на Ангела Меркел и баварската ЦСУ, паднала на 31 процент, два проценти помалку отколку во претходната анкета.
Жените првпат ќе бидат на автопатиштата во Саудиска Арабија, каде денеска стапува во сила одлуката со која се укинува забраната да возат автомобили.
Чешкиот претседател Милош Земан денеска најави дека рано следната недела ќе именува нова влада предводена од милијардерот Андреј Бабиш, за која се надева дека ќе стави крај на осуммесечната политичка нестабилност.
Популарноста на францускиот претседател Емануел Макрон падна на ново рекордно ниско ниво, при што, според анкетата на Ифоп, само 40 проценти од Французите ја поддржуваат неговата работа.
