Еврогол на Роналдо против Барса (Видео)

Во првиот натпревар од шпанскиот супер куп Кристиано Роналдо со фантастичен гол му донесе победа на Реал Мадрид.

Првото полувреме кое заврши без голови брзо се заборави поради преголемите возбудувања во вториот дел.

Од како Реал Мадрид дојде до предност со автоголот на Пике, Барса ја превзема иницијативата во свои нозе а тоа резултираше со изедначување на резултатот. Голот го постигна Лео меси со удар од 11 метри после сомнително досуден пенал врз Суарез.

Неколку минути подоцна во контра на Реал Мадрид, топката стигна до Кристиано Роналдо кој успеа да го измести Пике и со удар од аголот на шеснаесетникот да постигне фанстастичен гол со кој го донесе Реал МАдрид во предност од 2:1.

По прославата на голот, Роналдо го соблече својот дрес по што доби жолт картон а само неколку минути подоцна, Роналдо доби уште жолт картон, бидејќи според судијата се обидел да симулира фаул, што од забавената снимка се покажа дека имаше контакт со играчот на Барселона.

Иако Реал Мадрид остана со играч помалку, сепак Марко Асенсио по една слична контра постигна уште еден прекрасен гол за конечни 3:1 во корист на Реал Мадрид.

Реванш натпреварот се игра во среда а до тогаш уживајте во фантастичниот гол на Кристиано Роналдо.