Вардарци во четвртиот шешир за ждрепката за групната фаза од Лига Европа

Македонскиот фудбалски првак Вардар ќе биде поставен во четвртиот „шешир“ на денешното извлекување на групите за Лига Европа.

Вардар е во оваа група од причина што ова за „црвено-црните“ е прво учество во групната фаза на натпреварувањето.

Покрај Вардар се уште и екипите: Аполон (Кипар), Башакшехир (Турција), Коњаспор (Турција), Витесе (Холандија), Славија Прага (Чешка), Црвена Звезда (Србија), Скендербег (Албанија), Злин (Чешка), АЕК Атина (Грција), Лугано (Швајцарија) и Остерсунд (Шведска). Ова се екипи против кои Вардар нема да игра.

Во првиот „шешир“ како најатрактивни противници се: Зенит (Русија), Арсенал (Англија), Олимпик Лион (Франција), Динамо Киев (Украина), Виљареал (Шпанија), Атлетик Билбао (Шпанија), Лацио (Италија), Милан (Италија), Викторија Плзен (Чешка), Салцбург (Австрија), Копенхаген (Данска) и Брага (Португалија).

Во вториот „шешир“ се екипите: СБ (Романија), Лудогорец (Бугарија), БАТЕ Борисов (Белорусија), Евертон (Англија), Јанг Бојс (Швајцарија), Олимпик Марсеј (Франција), Реал Сосиедад (Шпанија), Макаби Тел Авив (Израел), Локомотив Москва (Русија), Австрија Виена (Австрија), Херта Берлин (Германија) и Ница (Франција).

Во третиот „шешир“ се наоѓаат екипите: Астана (Казахстан), Партизан (Србија), Хофенхајм (германија), Келн (Германија), Риека (Хрватска), Виторија (Португалија), Аталанта (Италија), Зулте Варегем (Белгија), Зорја (Украина), Розенборг (Норвешка), Шериф (Молдавија) и Хапоел Бер Шева (Израел).

Натпреварите ќе се играат: 14. септември (прво коло); 28. септември (второ коло); 19. октомври (трето коло); 2. ноември (четврто коло); 23. ноември (петто коло) и 7. декември (шесто коло).

Извлекувањето на групите почнува во 13 часот.