Два гола на Несторовски за лидерска позиција на Палермо

Македонскиот фудбалски репрезентативец Илија Несторовски втор натпревар по ред постигнува два гола за својата екипа Палермо и обезбедува победа. Попладнево во натпревар од 12.коло од Серија Б Палермо на домашен терен ја совлада екипата на Ентела со 2:0.

Несторовски головите ги постигна во 23.минута од пенал и во 48.минута, а во 87.минута беше заменет и на негово место влезе уште еден македонски репрезентативец Александар Трајковски.

По поразот на Емполи од Салернитана, Палермо се проби на првата позиција на табелата во Серија Б со 21 бод, еден повеќе од Емполи и Фросиноне, кој денеска одигра нерешено со Венеција на гости 1:1.