Барди во одлична форма, стрелец за Леванте против Еибар

Репрезентативецот на Македонија Енис Барди го постигна вториот гол за својата екипа Леванте на вечерашниот натпревар од 10. коло од Ла Лига против Еибар.

Леванте во 37.минута поведе со 2:0 по голот на Барди, откако две минути претходно Моралес донесе водство за гостите.

Еибар во вториот дел успеа да го изедначи резултатот со головите на Анаиц Арбиља (51.минута) и на Чарлс (74. минута).

Леванте е во серија од пет натпревари без победа, со три нерешени резултати и се наоѓа на 11.место со 12 бода.

Еибар е на 17. место со осум бодови.

Денешниот гол за Барди беше четврти негов сезонава во дресот на Леванте.