Со непопуларните 0:0 заврши дербито меѓу Јуве и Интер

Дербито во 16. коло од италијанската Серија А кое што се играше синоќа помеѓу Јувентус и Интер заврши без голови.

Интер засега останува на првата позиција на табелата со 40 поени, додека Јувентус има 38, колку и Наполи, но тие натпреварот од 16. коло го играат денеска против тимот на Фиорентина.

На вчерашниот натпревар и двата тима создадоа шанси за победа. Марио Манџукиќ од Јувентус ја погоди пречката во финишиот на првиот дел, додека во 57. минута Интер можеби беше оштетен за пенал, откако Бенатиа играше со рака во шеснаесетникот, но судијата не покажа на белата точка.