Навас најдобар играч на Северна и Централна Америка

Кејлор Навас, голманот на Реал Мадрид и на репрезентацијата на Костарика, е прогласен за најдобар играч на Конфедерацијата на Северна и Централна Америка и Карибите (КОНКАКАФ).

На Навас ова му е второ признание за најдобар играч на КОНКАКАФ, бидејќи таа награда ја доби и во 2014 година. Тој минатата година беше прогласен за најдобар голман на КОНКАКАФ.

Костариканецот во трката за најдобар играч оваа година го победи Ирвинг Лозано, фудбалерот на ПСВ и на репрезентацијата на Мексико. Навас во квалификациите за Светското првенство прими само шест гола на седум натпревари.

Навас оваа година со Реал освои: титулата во Примера лигата, Лигата на шампионите, Суперкупот на УЕФА, Суперкупот на Шпанија и Светското клупско првенство.

Во женска конкуренција наградата ја доби фудбалерката Алекс Морган.