Дани Алвеш ги руши сопствените рекорди: Го освои 37. трофеј во кариерата

Одбранбениот фудбалер на Пари Сен Жермен, Дани Алвеш, стигна до 37. трофеј во неговата кариера.

Бразилецот со својот клуб ја освои шампионската титула во Франција по вчерашната победа над Монако (7:1).

- Работете во тишина и нека вашите достигнувања прават бучава. Ова е животот на професионалец во било која област. Му благодарам на Бога за можноста да го направам она што го сакам, напиша Алвеш на неговиот Инстаграм профил.

Тој најголемиот број трофеи ги има освоено со Барселона – 23, пет има со Севиља, четири со репрезентацијата на Бразил, три како фудбалер на ПСЖ, а две во дресот на Јувентус.