Несторовски се повреди

Капитенот на Палермо, Илија Несторовски не го заврши натпреварот на неговиот клуб синоќа на гостински терен против Цитадела. Македонскиот фудбалер одигра само половина час и ја напушти средбата поради повреда.

Несторовски го повреди бутниот мускул на десната нога. Според првичните прогнози голгетерот го очекува повеќенеделна пауза, а точно колку ќе се знае по деталните медицински прегледи.

Палермо по нерешените 0:0 со Цитадела ја загуби втората позиција на табелата во Серија Б која обезбедува директен пласман во елитната Серија А.