Хамшик: Натпреварот со Јуве е од огромно значење

Капитенот на Наполи, Марек Хамшик призна дека неделниот дуел со Јувентус ќе биде од исклучително значење во спорот со „бјанконерите“ за титулата во Серија А.

„Небесносините“ постигнаа важен успех во вчерашниот дуел со Удинезе, победувајќи ги „зебрите“ со 4:2. Во исто време Јувентус направи непромислен потег на гостувањето кај Кротоне, откако одигра нерешено 1:1.

Тимот од Неапол гостува на шампионот на Италија во неделниот дуел од 34-тото коло на Калчото.

- Заостанувавме со доста поени од Јуве за време на дуелот со Удине, но во моментов разликата е само 4 бода. Го покажавме нашиот идентитет повторно и направивме пресврт во вчерашниот дуел. Од денес сме концентрирани целосно на Јувентус. Натпреварот ќе биде многу важен и ќе покаже сериозно влијание на крајот на сезоната, прокоменира Хамшик пред италијанските медиуми.