Симеоне задоволен од одбраната на Атлетико против Арсенал

Тренерот на Атлетико Мадрид Диего Симеонe не можеше да го води тимот во реваншот од полуфиналето на Лига Европа против Арсенал, но ја преживеа секоја секунда од победата со 1:0 над Арсенал, која ги испрати „јорганџиите“ во финалето во Лига Европа.

По успехот Чоло не го криеше задоволството од претставувањето на фудбалерите.

- Радосни сме дека се пласиравме во финалето. Во првиот натпревар имавме проблеми, а Јан Облак беше неверојатен. Така прават големите играчи - се докажуваат во најважните натпревари, а нивните соиграчи се стремат да се на нивно ниво, изјави Симеоне по мечот.

Аргентинецот ја пофали одбраната на својот тим и начинот на кој успеаја да се справат со нападот на Арсенал. Посебна заслуга му оддаде на Витоло, кој неодамна се приклучи на тимот.

- Ернандез го чуваше Озил и не му дозволи да направи ништо. Томас пак го неутрализира Дани Велбек. Витоло е на ниво од самиот почеток. Сите го прифатија многу добро, а и знаевме што да очекуваме од него. На Облак и Гризман им беа потребни неколку месеци за да се вклопат во тимот, а тој го направи тоа веднаш, истакна тренерот на Атлетико.