Барди руши рекорди, два фантастични гола против Барселона (Видео)

Македонскиот репрезентативец Енис Барди, брилираше против Шпанскиот првак Барселона во последниот викенд натпревар од Шпанската Ла Лига.

Пред домашната публика на „Естад де Валенсија“ не е запамштен ваков натпревар за домаќинот, особено што сезонава играше доста дефанзивно.

Дури 9 пати екипите на Леванте и Барселона тргнуваа од теренот, за да на крај домаќинот запише неколку нови рекорди, ја прекина победничката серија на Барса и и го нанесе првиот пораз сезонава.

Домаќините тргнаа добро па веќе во 8-та минута Боатенг му донесе предност на Леванте и истиот играч во 30-тата минута го дуплираше водството. До крајот на првото полувреме, Кутињо со гол во 38-та минута успеа да намали на 2:1.

Стартот на вториот дел беше како од соништата па за само 15-тина минути паднаа дури 4 гола. Голеадата ја започна Барди со фантастичен гол од 20 тина метри во 46-тата минута, а Боатенг постигна хет - трик само три минути подоцна. Еуфоријата продолжи во 56-тата минута кога повторно Барди стрелаше прецизно за високи 5:1 над шпанскиот шампион.

Кога се чинеше дека катастрофата ќе биде голема, се погрижи на два пати Кутињо со голови во 59-тата и 64-тата минута, со што постигна и тој хет трик, а конечниот резултат го постави Суарез во 71-тата минута, стрелајќи прецизно од 11 метри.