Емре Џан и Јувентус постигнаа договор

Германскиот фудбалер Емре Џан постигна договор со италијанскиот шампион Јувентус, откако речиси цела сезона се шпекулираше за овој трансфер.

Тој во Јувентус доаѓа како слободен играч, а за клубот од Торино ќе настапува во следните четири години.

Претходно Џан помина четири сезони во Ливерпул за кој одигра 166 натпревари и постигна 14 голови, од кои речиси половината во последната сезона.