Селекторот на Исланд си поднесе оставка

Селекторот на фудбалската репрезентација на Исланд, Хеимир Халмгринсон, си поднесе оставка.

Тој седум години ја предводеше исландската репрезентација, која на Светското првенство во Русија беше елиминирана во групната фаза.

- По седум години одлучив да се повлечам. Среќен што бев дел од тимот, кој трасираше пат за генерациите што доаѓаат и кој направи многу добри работи, истакна Халмгринсон по оставката.

Од 2011 година тој во тандем со Ларс Лагербак ја предводеше исландската репрезентација, а најголемиот успех го постигнаа со четвртфиналето на Европското првенство во 2016 година.

Лагербак пред две години ја напушти репрезентацијата, а Халмгринсон самостојно ја предводеше на Мундијалот во Русија.