Ругани се договорил за 5-годишен договор со Челзи

Дефанзивецот на Јувентус Даниеле Ругани наскоро ќе стане член на англиски Челзи. Според информации во британскиот печат, италијанскиот репрезентативец веќе ги договорил личните услови со раководството на „сините“, а се очекува да потпише 5-годишен договор, заработувајќи 4 милиони фунти од сезона.

Трансферот најверојатно ќе биде финализиран во наредните денови, а Јувентус ќе добие скоро 45 милиони фунти за 23-годишниот дефанзивец.

Интересно е дека иако е сметан за еден од најталентираните дефанзивци во Италија, Ругани не успеа да се наметне во првиот состав на „бјанконерите“.

Во конкуренција на Џорџо Киелини и Андреа Барѕали, младиот дефанзивец одигра само 26 натпревари за тимот од Торино во сите натпреварувања.